VÍSV2VV03

Vísindaleg vinnubrögð

 

Viðfangsefni: Vísindaleg vinnubrögð

2. þrep

Einingafjöldi: 3

Forkröfur: Engar

 

Lýsing:

Áfanginn er sameiginlegur inngangsáfangi að vísindalegum vinnubrögðum fyrir nemendur á náttúruvísinda- og félagsvísindabraut. Í áfanganum kynnast nemendur rannsóknarferlinu frá hugmyndavinnu til birtingar á niðurstöðum.  Í áfanganum verður fjallað um aðferðafræði vísinda, megindlegar og eigindlegar aðferðir og grunnhugtök vísindalegra vinnubragða: Tilraun/könnun, breyta, tilgáta, kenning og lögmál. Nemendur eru þjálfaðir í meðferð á tölulegum gögnum og heimildum og að vinna með mismunandi mælieiningar.

 

Þekkingarviðmið

Nemandi skal hafa öðlast þekkingu og skilning á:

  • ýmsum aðferðum við heimildaleit, bæði á bókasafni og í rafrænum gagnagrunnum
  • heiðvirðri heimildanotkun
  • mismunandi tegundum heimilda, t.d. muninum á frumheimildum og eftirheimildum
  • helstu rannsóknaraðferðum í náttúruvísindum, félagsvísindum og hugvísindum
  • muninum á megindlegum og eigindlegum aðferðum í rannsóknum
  • grunnhugtökum vísindalegra vinnubragða
  • SI – einingakerfinu og  markverðum tölustöfum við mælingar og úrvinnslu gagna

 

Leikniviðmið

Nemandi skal hafa öðlast leikni í að:

  • leita fræðilegra upplýsinga á viðeigandi hátt, og nota til þess bæði bókakost skólans og rafræna gagnagrunna
  • meta gæði heimilda og valið viðeigandi heimildir
  • nota heimildir á heiðvirðan hátt og geta þeirra eftir viðurkenndum kerfum
  • setja fram tilgátur og velja aðferðir sem henta til að prófa þær
  • safna gögnum í rannsókn, vinna úr þeim, og kynna niðurstöður rannsóknar fyrir samnemendum
  • nota SI – einingakerfið og réttan fjölda markverðra tölustafa við mælingar og úrvinnslu gagna

 

Hæfniviðmið

Nemandi skal geta nýtt þá almennu þekkingu og leikni sem hann hefur aflað sér til að:

  • sýna sjálfstæði í vinnubrögðum
  • draga ályktanir af rannsóknarniðurstöðum og rökstyðja þær út frá mæligögnum og öðrum heimildum
  • kynna sér rannsóknir sem aðrir hafa gert og nýta þær í eigin rannsóknarvinnu
  • birta og kynna niðurstöður eigin rannsókna á fjölbreyttan hátt

 

Námsmat

Námsmat byggist á verklegum þjálfunarverkefnum sem unnin eru jafnt yfir önnina, bæði hópverkefnum og einstaklingsverkefnum og stærra rannsóknarverkefni í lok annar. Lögð er áhersla á leiðsagnarmat.

 

 

Atburđir
« Júlí »
S M Ţ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Nćstu atburđir

Vefumsjón