ŢÝS 203

Undanfari: ÞÝS 103

 

Áfangamarkmið

 

Hlustun

  • geti skilið öll almenn fyrirmæli kennara á þýsku í kennslustofunni,

  • geti skilið daglegt talmál þegar talað er við hann hægt og skýrt með þeim orðaforða sem hann þekkir,

  • geti skilið einfaldar spurningar á götu úti þegar hann er spurður til vegar og jafnframt skilið einfaldar vegvísanir talaðar hægt og skýrt,

  • geti greint megininntak orðræðu um efni sem verið hefur til umfjöllunar þegar talað er á eðlilegum hraða við aðstæður þar sem hljóð í umhverfi torveldar ekki skilning,

Lestur

  • hafi aukið færni sína í að bæta nýjum orðaforða við þann sem fyrir er,

  • geti lesið til skilnings texta með einföldum orðaforða sem fjalla um efni sem verið hefur til umfjöllunar,

  • hafi á valdi sínu að leita eftir ákveðnum upplýsingum úr texta án þess að skilja hvert orð,

  • geti lesið lengri texta til skilnings á meginefni hans,

  • geti dregið út lykilorð til glósunar,

  • geti nýtt sér þýskíslenskar orðabækur við upplýsingaöflun,

Tal

  • geti brugðist við almennum fyrirmælum kennara í kennslustofunni á þýsku nema þegar flókinna útskýringa er þörf,

  • hafi á valdi sínu að nota eingöngu þýsku þegar beðið er um ákveðna hluti í kennslustofu, svo sem nánari útskýringar, að fá að fara á salerni o.s.frv.,

  • geti veitt öðrum almennar, einfaldar upplýsingar á opinberum stöðum, s.s. á lestarstöð og flugvelli eða á götu úti, á veitingastöðum og í verslunum,

  • geti tjáð sig munnlega í einföldum setningum, óhræddur og af nokkru öryggi, um afmarkað efni sem verið hefur til umfjöllunar,

Ritun

  • geti tjáð sig skriflega með réttri stafsetningu í aðalsetningum um efni sem verið hefur til umfjöllunar,

  • geti skrifað boðskort, einföld einkabréf á viðeigandi hátt (ávörp/kveðjur), svo og tölvupóst,

  • geti beitt málnotkunarreglum rétt í æfingum af mismunandi gerð.

 

Áfangalýsing

Orðaforði og málfræðiatriði, sem komið hafa fram í undanfaranum, eru rifjuð upp og sett í nýtt samhengi, þ.e. bætt er við orðaforða, bæði virkum og óvirkum, svo og málfræði. Áfram er lögð sérstök áhersla á samtalsæfingar í para og/eða hópvinnu. Nemendur eru nú hvattir til að búa sjálfir til samtöl, bæði munnlega og skriflega. Unnið er m.a. með texta sem varpa ljósi á daglegt líf unglinga og nokkrar helstu venjur og siði hjá þýskumælandi þjóðum. Nemendur fá innsýn í minnistækni og læra að tengja saman skyld orð málfræðilega og merkingarlega.

Atburđir
« Júlí »
S M Ţ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Nćstu atburđir

Vefumsjón