STĆR2GF05

Grunnáfangi í stærðfræði á félagsvísindabraut

 

Viðfangsefni: Grunnáfangi í stærðfræði á félagsvísindabraut

2. þrep

Einingafjöldi: 5

Forkröfur: Hæfnieinkunn B við lok grunnskóla eða 1. þreps áfangi í stærðfræði

 

Lýsing

Tölur, prósentur, 1. og 2. stigs jöfnur og talningarfræði. Vöxtur og vaxtareikningur, vísitölur og kaupmáttur. Notkun vasareiknis og forrita.

 

Þekkingarviðmið

Nemandi skal hafa öðlast þekkingu og skilning á:

  • deilanleika og frumþáttun talna, náttúrulegum tölum, heilum tölum, ræðum tölum, rauntölum og bilum á rauntalnaásnum
  • undirstöðureglum talna- og bókstafareiknings og jöfnum, 1. og 2. stigs
  • einfaldri talningarfræði
  • grunnatriðum töflureiknis og/eða einhvers sérhæfðs stærðfræðiforrits
  • tugveldarithætti talna, staðalformi og mælingaskekkju
  • fallhugtakinu, formengi falls og varpmengi

 

Leikniviðmið

Nemandi skal hafa öðlast leikni í að:

  • frumþátta tölur
  • reikna prósentur og vexti
  • nota undirstöðureglur talna- og bókstafareiknings til einföldunar stærðtákna og útreiknings með vasareikni
  • meta eða finna líkur á ýmsu sem fyrir kemur í daglegu lífi
  • nota forrit til að leysa ýmis reikningsleg viðfangsefni
  • nýta sér tugveldarithátt og mælinákvæmni til að bera saman tölur

 

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • geta sett sig inn í og túlkað útskýringar og röksemdir annarra af virðingu,  umburðalyndi og án fordóma
  • skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
  • átta sig á tengslum ólíkra aðferða við framsetningu stærðfræðilegra hugmynda og viðfangsefna
  • skilja merkingu og tengsl hugtaka í námsefninu og vinna með þau
  • geta fylgt og skilið röksemdir og röksamhengi í mæltu máli og texta
  • beita skipulegum aðferðum við að leysa úr viðfangsefnum og þrautum, s.s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur

 

Námsmat

Fjölbreytt námsmat með áherslu á leiðsagnarmat.

 

 

Atburđir
« Júlí »
S M Ţ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Nćstu atburđir

Vefumsjón