JAFN1JK03

Jafnréttis- og kynjafræði:


Viðfangsefni:
Jafnréttis- og kynjafræði

Þrep: 1

Einingafjöldi: 3

Forkröfur: Engar

 

Lýsing:

 Í áfanganum verður fjallað um jafnrétti, mannréttindi og kynjafræði. Leitast verður við að tengja viðfangsefni við daglegt líf nemenda. Viðfangsefni áfangans eru réttindahugtakið, mannréttindi, jafnrétti, fjölmenning, kynþáttamisrétti, réttindi fatlaðra, réttindi barna, stéttamisrétti, jafnrétti kynjanna, femínismi, kynhlutverk, feðraveldi, kynbundið ofbeldi, og klám.

 

 

Þekkingarviðmið:

Nemandi skal hafa öðlast þekkingu og skilning á:

  • helstu hugtökum tengdum mannréttindum, jafnrétti og kynjafræði í tengslum jafnréttismála og samfélags
  • stöðu ólíkra hópa í samfélaginu, og réttindabaráttu þeirra
  • staðalmyndum um ólíka hópa samfélagsins

 

Leikniviðmið:

Nemandi skal hafa öðlast leikni í að:

  • kynna sér ítarlega réttindabaráttu hóps að eigin vali og stöðu þess hóps í samfélaginu, miðla þeirri þekkingu sem hann hefur aflað sér með samnemendum og leiða umræðu um niðurstöður sínar
  • greina stöðu og staðalmyndir ólíkra hópa eins og hún birtist í fjölmiðlum, auglýsingum, námsefni og almennri umræðu

 

Hæfniviðmið:

  • Nemandi skal geta nýtt þá almennu þekkingu og leikni sem hann hefur aflað sér til að:
  • taka ígrundaða afstöðu til jafnréttismála og réttindabaráttu
  • rökræða viðfangsefni áfangans á málefnalegan hátt
  • hafa jafnrétti að leiðarljósi í eigin samskiptum, fjölskyldulífi og samfélagslegri virkni

 

 

Námsmat:

Prófað verður úr skilningi á lykilhugtökum áfangans. Metið verður rannsóknarverkefni þar sem nemendur kynna sér réttindabaráttu hóps að eigin vali og stöðu þess hóps í samfélaginu. Verkefnið felur í sér rannsóknarvinnu, ritgerð og munnlega kynningu. Einnig verða metin smærri verkefni og umræður um viðfangsefni áfangans.

 

Atburđir
« Júlí »
S M Ţ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Nćstu atburđir

Vefumsjón